Arbëri

Komuna ia bart përgjegjësinë Qeverisë për kolektorin e ujërave të zeza

Kanë kaluar dy muaj kur do të duhej të niste projekti i ndërtimit të kolektorit të ujërave të zeza në Komunën e Podujevës, të cilin e kishte paralajmëruar vetë administrata. Por, deri tashti kjo nuk ka ndodhur. Zyrtarët komunalë thonë se i kanë kryer të gjitha obligimet për nisjen e realizimit të këtij projekti, por përgjegjësinë ia kanë kaluar Qeverisë së Kosovës, shkruan sot Koha Ditore.

Zëdhënësi Nazmi Elezi, thotë se pritet që ky projekt të nisë së shpejti.

“Komuna e Podujevës ka kryer të gjitha obligimet lidhur me nisjen e realizmit të projektit të ndërtimit të kolektorit kryesor. Projekti është dyvjeçar dhe punët në realizmin e këtij projekti priten të nisin shumë shpejt. Ka mbetur që Qeveria e Kosovës të përfundojë procedurat e nevojshme, pasi implementimi i projektit bëhet përmes Klauzolës për investime sipas marrëveshjes për bashkëpunim financiar midis Qeverisë së Republikës së Kosovës dhe Qeverisë të Republikës së Austrisë”, ka thënë Nazmi Elezi. “Projekti për ndërtimin e kolektorit kryesor të ujërave të zeza në Komunën e Podujevës, në vlerë prej 5.3 milionë euro realizohet përmes ‘Soft Loan kredi’”.

Gazeta ka kërkuar sqarime edhe nga Ministria e Mjedisit dhe Planifikimit Hapësinor për vonesën e nisjes së këtij projekti, por zyrtarët e saj nuk kanë kthyer përgjigje

(Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.