Kryetari i Komunës së Kamenicës, Qëndron Kastrati ka njoftuar se fshati Topanicë është shpallur zonë karantine nga Ministria e Brendshme në Kosovë.

Sipas tij, ky vendim është marrë pasi një person i këtij vendi dyshohet se ka pasur kontakt të drejtpërdrejtë me banorët tjerë.

“Për luftimin e kësaj pandemie nuk mjafton vetëm karantinimi i një zone të caktuar, por këtë duhet ta bëjmë të gjithë. Të rrimë në shtëpitë tona në secilën pjesë të komunës”, ka thënë mes tjerash Kastrati në një postim në rrjetin social, Facebook.

{gallery}

Aktualisht në Kosovë është raportuar për 106 persona të infektuar me koronavirusin e ri, derisa një pacient ka vdekur nga kjo sëmundje.

Qeveria në largim e Kosovës ka shpallur gjendje emergjente për shëndetin publik, me qëllim të parandalimit të përhapjes së virusit.