Në CERN u prodhua temperatura 100 000 më e lartë se ajo në Diell

Washington, 22 gusht - Fizikanët e Institutit për hulumtime nukleare (CERN), të cilët punojnë me përplasësin e madh të grimcave të atomeve (LHC), arritën të krijojnë temperaturën madje 100 000 herë më të lartë se sa ajo në brendi të Diellit. Kjo është temperatura më e lartë e krijuar ndonjëherë  nga njeriu.

Me përplasjen e jonit të plumbit shkencëtarë krijuan një lëng jashtëzakonisht të nxehtë subatomik, të njohur si plazma kvark-gluon, në temperaturë prej 5.4 bilionë gradë Celsius, gjë që paraqet temperaturën më të lartë të krijuar gjatë ndonjë eksperimenti. 

Shkencëtarët besojnë se hulumtimet e tyre do të ofrojnë njohje të kushteve që kanë mbretëruar në kozmos shumë shpejt pas krijimit të kozmosit.

Rezultatet deri te të cilat arritën shkencëtarët e CERN-it duke punuar në detektorin ALICE janë publikuar dje në një konferencë për shtyp kushtuar joneve të rënda në Washington.

Zëdhënësi i projektit ALICE pranoi se matjet nuk ishin aq precize, por që vlerësohet se temperatura ishte rreth 5.4 bilionë gradë Celsius. Sipas fjalëve të tij, të dhënat e sakta do të bëhen të njohura pas disa javësh.

Komente (6)Shpërndaje artikullin

• 22:33Serbët djegin flamurin e BE-së dhe të Kosovës
• 22:28Talibanët morën përgjegjësinë për sulmin vetëvrasës
• 22:25Rusia zbulon një sulm terrorist
• 22:20Sharif kërkon bisedime me talibanët
• 22:18Serbëve të veriut u intereson më shumë Vulini se Marrëveshja
• 22:16Edhe një seancë përkujtimore në Kuvend!
• 22:14Reali zyrtarizon largimin e Mourinhos
• 22:12Thaçi 1 kishte anuluar kontratën mes PTK-s dhe “Amdocs” –it izraelit
• 22:06Urdhëri i fundit i Sir Alex
• 22:03Presidenti malazez merr detyrën