Austria po planifikon ndryshime në taktikë dhe mund ta fus Jorginhon në “kafaz” në duelin kundër Italisë në “Euro 2020”.

Selektori Franco Foda, babai i të cilit është italian, është i njohur për përshtatjen në lojën e kundërshtarit dhe përdori tre formacione të ndryshme në tri ndeshje të grupit.

Me tre mbrojtës luajti kundër Maqedonisë së Veriut dhe fitoi 3:1 dhe humbi nga Holanda 2:0, ndërsa luajti me formacionin 4-2-3-1 në fitoren kundër Ukrainës 1:0.

Martin Hinteregger ka marrë një goditje, por mund të jetë titullar në vikend.

“Sky Sport Italia” dhe “La Gazzetta dello Sport” raportojnë se Austria po planifikon formacionin 4-1-4-1, me Florian Grillitschin që mund të luajë në mes të mbrojtjes e mesfushës.

Do të ketë detyrë të veçantë për Marcel Sabitzer i cili mund të jetë gjithmonë afër Jorginhos.

David Alaba nga qendra e mbrojtjes mund të kalojë në krahun e majtë, ndërsa Marko Arnautoviq pritet të luajë i vetëm në sulm.

Takimi mes Italisë dhe Austrisë luhet në “Wembley Stadium” nga ora 21:00.