Futbollisti belg Timothy Castagne është dashur të operohet pas goditjes që mori në afërsi të syrit, dhe për të “Euro 2020” ka përfunduar, raporton BBC.

Mbrojtësi i Leicester Cityt ka marrë frakturë të dyfishtë të zgavrës së syrit. Ai mori lëndimin gjatë duelit me Daler Kuzyaevin e Rusisë në ndeshjen e të shtunës mbrëma që Belgjika e fitoi 3:0.

25-vjeçari pritet të operohet në Belgjikë sot.

Castagne ishte zgjedhur si opsion i parë i Belgjikës në anën e djathtë të mbrojtjes në vend të Thomas Meunierit.