Vladimir Putini do ta udhëheqë Rusinë edhe për gjashtë vjet, pasi që ka siguruar një fitore të pritur në zgjedhjet presidenciale të së dieles.

“Exit poll”-i i transmetuesit shtetëror rus ka bërë të ditur se ai i ka fituar 73.9 për qind të votave, duke e mposhtur me lehtësi rivalin e tij më të madh, shkruan Reuters, transmeton “Koha Ditore”.

Lideri kryesor i opozitës, Alexei Navalny, është ndaluar nga gara.

Të dielen rusët kanë dalur për të votuar në zgjedhjet presidenciale. Kundërshtarët e presidentit rus kanë akuzuar se zyrtarët po i detyronin njerëzit të dilnin në vendvotime, në mënyrë që pjesëmarrja e ulët të mos e njolloste fitoren.

Edhe para zgjedhjeve, Putini në sondazhe kishte përkrahje prej rreth 70 për qind, apo dhjetëfishi i përkrahjes së rivalit të dytë.

Mandati i ri bën që ai të kalojë gati një çerek shekulli në pushtet – një kohëzgjatje në krye të Kremlinit, së cilës ia kalon vetëm diktatori sovjetik, Josef Stalin... (më gjerësisht lexoni sot në “Koha Ditore”)