Botë

Dorëhiqet edhe këshilltari kryesor ekonomik i Trumpit

Gary Cohn, këshilltari kryesor ekonomik i presidentit amerikan, Donald Trump, do të japë dorëheqjen, njoftoi dje Shtëpia e Bardhë, i fundit në listën e zyrtarëve që kanë shërbyer në administratën e SHBA-së.

Media amerikane raportoi se Cohn, një demokrat dhe mbështetës i tregtisë së lirë, nuk ka rënë dakort me vendimin e presidentit Trump për të imponuar tarifa të larta për importin e çelikut dhe aluminit, duke argumentuar se hakmarrja e vendeve të tjera mund të ndëshkonte bizneset amerikane jashtë atyre të industrive.

“Ai është kundërshtuar nga ndihmësit e tij të lartë të cilët shprehen se është më e rëndësishme që Trump të vazhdojë me premtimet kryesore të fushatës që ndihmuan në tërheqjen e punëtorëve në krahun republikan”, sipas njoftimeve.

“Presidenti Trump e ka falënderuar Cohn për shërbimin e tij duke iu referuar atij si një talent i rrallë, ndërsa shefi i stafit, John Kelly tha se Cohn i kishte shërbyer vendit të tij me një dallim të madh”, njoftoi Shtëpia e Bardhë.

Largimi i Cohn vjen më pak se një javë pas asaj të drejtoreshës së komunikimit, Hope Hicks dhe më pak se një muaj të ndihmësit të Shtëpisë së Bardhë, Rob Porter, i cili dha dorëheqjen pas akuzave për ushtrim të dhunës në familje.