Wikileaks: CIA spiunonte Hollanden, Sarkozyn dhe Marine Le Penin

Wikileaks: CIA spiunonte Hollanden, Sarkozyn dhe Marine Le Penin

17 shkurt 2017 14:35

Në shtatë muaj pas zgjedhjeve presidenciale franceze në prill të 2012-ës, partitë më të mëdha dhe tre kandidatët, sfiduesi socialist Francois Hollande, presidenti në largim Nicolas Sarkozy dhe liderja e Frontit Kombëtar Marine Le Pen, spiunoheshin nga CIA. Lajmi raportohet në uebsajtin e Wikileaks, transmeton abcnews. Por gjithsesi është vetëm një pjesë e një serie informacionesh të rezervuara që do të publikohen së shpejti.

Thelbi është në tre urdhra specifikë të CIA-s që kanë si objektiv pikërisht partinë socialiste, frontin kombëtar dhe partinë e atëhershme të Sarkozi UMP-në. Por spiunimi kishte të bënte edhe me ish kandidatët socialistë si Martine Aubry e Dominique Strauss Kahn.

CIA - sipas Wiklileaks - urdhëronte mbledhjen e informacioneve, edhe të strategjive elektorale të partive dhe kandidatëve, për zhvillimin e debateve të brendshme, financimet, programet politike dhe ekonomike, marrëdhëniet me vendet e tjera europiane dhe me Shtetet e Bashkuara të Amerikës. Sipas asaj që shkruan Uikililks, urdhërat e CIA-s ishin të klasifikuara dhe mund të lexoheshin vetëm nga amerikanët për shkak të ndjeshmërisë.

Qëllimi i spiunazhit ishte mbështetja e aktivitetit të CIA-s, të seksionit mbi Bashkimin Europian të agjencisë së spiunazhit të mbrojtjes si dhe të seksionit të shërbimit të inteligjencës dhe kërkimit në departamentin e shtetit. Operacioni sipas Uikiliks zgjati 10 muaj nga 21 nëntori 2011 deri në 29 shtator 2012, pra dhe disa muaj pas zgjedhjeve që nxorën fitues Fransua Holond.

comments powered by Disqus
Të ngjashme