Belgjika e Holanda shkëmbejnë territore

Belgjika e Holanda shkëmbejnë territore

01 janar 2018 19:55

Që nga 1 janari Belgjika dhe Holanda, bënë shkëmbim territoresh pas një marrëveshjeje paraprake.

Pas aprovimeve zyrtare, më 1 janar 2018, hyri në fuqi marrëveshja e re kufitare mbi territoret problematike mes dy vendeve, raporton Anadolu Agency.

Me këtë marrëveshje, Holanda, në këmbim të një sipërfaqeje 160 dynymë tokë, Belgjikës i dha një sipërfaqe prej 30 dynymë tokë.

Shkëmbimi u përfol pas gjetjes së një kufome pa kokë, 4 vite më parë, në një territor që i përkiste Belgjikës e që ndodhej në afërsi të lumit Meuse të lokalizuar mes dy vendeve.

Policia holandeze, nuk mundi të ndërhyjë ngaqë ajo pjesë, sado që ndodhej në veri të lumit në afërsi të Holandës, i përkiste Belgjikës.

Policët e Belgjikës, hasën në vështirësi në të shkuarit atje gjithashtu meqë nuk kishin lidhje tokësore dhe nuk mund të merrnin leje nga Holanda.

Policia, prokurori dhe punonjësit mjekësorë, u ballafaquan me vështirësi të mëdha gjatë shkuarjes me varka në vendin ku ndodhej kufoma.

Sipërfaqja e barabartë me 15 fusha futbolli, u shndërrua në një vend të frekuentuar nga shitësit e drogës dhe të arratisurit. Në jugun e lumit në fjalë, në jug të Belgjikës, një vend i vogël i përkiste dhe Holandës.

Nga ky shkëmbim i bërë pas vendosjes së kufijve mes dy vendeve në 1843, mbetën të kënaqura si Holanda ashtu dhe Belgjika, edhe pse që Belgjikës i takoi një territor më i vogël.

Komentet

Shto koment

Të ngjashme