Ministrat e Ligës Arabe në një mbledhje urgjente në Kairo i bëri thirrje SHBA të tërheq vendimin për njohjen e Jerusalemit si kryeqytet të Izraelit.
Veprimi i presidentit Donald Trump është “një shkelje e rrezikshme e së drejtës ndërkombëtare”, thuhet në një deklaratë të ministrave. Me vendimin e tij Trumpi legjitimon pushtimin e Jerusalemit Lindor nga Izraeli, kritikoi sekretari i përgjithshëm i Ligës Arabe, Ahmed Abul Gheit. Me këtë ai iu referua pushtimit dhe aneksimit të mëvonshëm të Jerusalemit Lindor nga Izraeli në luftën gjashtëditëshe më 1967.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTë njëjtën kërkesë e shtroi edhe ministri i Jashtëm palestinez, Riad al Malki. Njëkohësisht ai i bëri thirrje Ligës Arabe që të paraqesë një projektrezolutë në Kombet e Bashkuara, e cila të dënojë vendimin e SHBA.
Në Ligën Arabe bëjnë pjesë 21 shtete nga Lindja e Afërt dhe Afrika e Veriut së bashku me rajonet e autonomisë palestineze. Libani foli për sanksione të shteteve arabe kundër SHBA, për ta penguar zhvendosjen e planifikuar të ambasadës amerikane nga Tel Avivi në Jerusalem.
Ndërkohë, ambasadorja amerikane në Kombet e Bashkuara, Nikki Halej theksoi se vendimi i presidentit Trump për të njohur Jerusalemin si kryeqytet të Izraelit dhe për zhvendosjen e ambasadës së SHBA-së do të ndihmonte procesin e paqen në Lindjen e Mesme.
Dhjetëra mijëra manifestues kanë dalë në rrugë në Lindjen e Mesme dhe në mbarë botën për të protestuar kundër vendimit të Trump.
Javën që kaloi Trumpi njohu Jeruzalemin si kryeqytet të Izraelit. Izraeli pretendon se i gjithë Jerusalemi i pandarë i përket atij. Palestinezët duan që ta shpallin Jerusalemin Lindor të aneksuar nga Izraeli si kryeqytet të një shteti të ardhshëm palestinez.