Flet vëllai i autorit të masakrës në Las Vegas: Nuk i ka dashur kurrë armët

Flet vëllai i autorit të masakrës në Las Vegas: Nuk i ka dashur kurrë armët

02 tetor 2017 19:37

Vëllai i tij e përshkruan si njeri të qetë, të shoqërueshëm, që nuk i kishte me qejf armët dhe që nuk kishte shfaqur shenja çrregullimi mendor, apo depresioni në të shkuarën.

Eric Paddock, vëllai i autorit të masakrës së Las Vegasit, ku deri më tani autoritetet kanë konfirmuar vdekjen e 58 personave foli në një intervistë të shkurtër për mediat amerikane.

“Akoma nuk e kuptoj se çfarë ka ndodhur! U shpreh ngushëllime familjarëve të viktimave. Ne nuk kishim vënë re asnjë ndryshim tek Stephen kohët e fundit. Ai ishte i qetë dhe armët nuk i ka pasur kurrë për zemër”, thotë Eric.

Megjithatë, familja Paddock ka pasur probleme me ligjin edhe në të shkuarën. Babai i Stephen, Benjamin Hoskins Padock qëndroi për tetë vjet në arrati në listën e më të kërkuarve të FBI-së pas arratisjes nga burgu, ku ishte dënuar për një seri grabitjesh të bankave dhe më pas ishte diagnostikuar si i sëmurë mendor.

Ndërkohë, autoritetet amerikane konfirmuan se Stephen kishte lëvizur shuma të konsiderueshme parash në llogaritë që kishte në disa sallone lojërash fati në Las Vegas dhe thonë se po punohet për të gjetur nëse bëhej fjalë për para të fituara nga bixhozi apo borxhe për të shlyer.

Komentet

Shto koment

Të ngjashme