Presidenti turk, Recep Tayyip Erdogan ka paralajmëruar se Turqia do të shqyrtojë vendosjen e sanksioneve ndaj rajonit autonom të Kurdistanit, në veri të Irakut, lidhur me referendumin e planifikuar për pavarësinë e tij.
Këshilli i Sigurimit Kombëtar dhe kabineti i Turqisë do të zhvillojnë të premten diskutime mbi llojet e sanksioneve që do të imponohen” , tha dje presidenti, Erdogan për gazetarët në Asamblenë e Përgjithshme të OKB-së, në Nju Jork.
Referendumi i planifikuar më 25 shtator ka alarmuar Turqinë fqinje , e cila ka një pakicë të madhe kurde.
Gjithashtu, Irani dhe Siria kanë shprehur shqetësimin e tyre se votimi do të nxisë idetë e ndarjes midis pakicave të tyre kurde.
SHBA-ja dhe Iraku kanë përsëritur në mënyrë të vazhdueshme kundërshtimin e tyre ndaj referendumit.
-
20 shtator 2017 14:51
-
Shpërndaje në: