Presidenti i Rusisë, Vladimir Putin, e ka paralajmëruar presidentin finlandez Sauli Niinisto, se bashkimi në NATO dhe heqja dorë e Finlandës nga statusi neutral do të ishte “gabim”, raporton BBC.

Ai i ka thënë Niinistos se nuk ka rrezik për sigurinë e Finlandës.

Dy presidentët kanë zhvilluar të shtunën një bisedë telefonike, para se Finlanda të bëjë një kërkesë formale për anëtarësim në NATO.

Suedia po ashtu ka dhënë indikacione se planifikon të anëtarësohet në NATO, pas pushtimit rus të Ukrainës.

Finlanda ndan 1300 kilometra vijë kufitare me Rusinë. Deri tash, nuk është anëtarësuar në NATO për të mos prishur marrëdhëniet me fqinjin lindor.

Putini nuk ka bërë ndonjë kërcënim specifik për hakmarrje ndaj lëvizjes së Finlandës, por Ministria e Jashtme e Rusisë ka dhënë indikacione se do të hakmerret.

Vendimi i Rusisë për të pezulluar furnizimin me energji elektrike për Finlandën, po shihet si shenjë fillestare.