Një vajzë 15-vjeçare menaxhoi t’ua shpëtonte jetën katër të rriturve pasi vetura e tyre u sulmua nga forcat ruse derisa po largoheshin nga Popasna në prill, raportoi BBC të premten.

Lisa Chernyshenko mori timonin në duar kur shoferi dhe pasagjerët e tjerë u goditën nga zjarri i rusëve në rrugën për në Bakhmut.

Vetura po qëllohej sërish dhe Lisa ishte plagosur në këmbë, por menaxhoi të vazhdonte të voziste deri kur u dërguan në siguri pranë ushtrisë ukrainase. Të gjithë në veturë mbijetuan.

Ajo tani po merr trajtim mjekësor për lëndimet që pësoi, në një spital në Lviv.

Janë bërë 72 ditë nga nisja e luftës në Ukrainë nga Rusia dhe mijëra të vdekur janë raportuar, civilë dhe ushtarakë.