Afganistani do të rifillojë lëshimin e pasaportave për banorët e saj, disa muaj pasi ky proces u pezullua për shkak të trazirave.

Procesi, që ishte ngadalësuar edhe para se militantët talebanë të ktheheshin në pushtet, pas tërheqjes së forcave amerikane, do t’u sigurojë aplikantëve dokumente fizikisht identike me ato që ishin lëshuar gjatë qeverisjes afgane.

Alam Gul Haqqani, ushtrues detyrës i shefit të zyrës për pasaporta, deklaroi se çdo ditë do të lëshohen nga 5 mijë deri në 6 mijë pasaporta.

Sipas vendimeve që talebanët i ndërmorën, asnjë punonjës s’ka të drejtë të kryejë lëshimin e pasaportave për gjininë e kundërt.