Presidenti amerikan Joe Biden ka bërë të ditur se ai do të vë sanksione kundër liderëve ushtarakë në Biramani të cilët udhëhoqën grusht shtetin që qoi deri tek arrestimi i lideres së zgjedhur në mënyrë demokratike, Aung San Suu Kyi, bashkë me shumë të tjerë.
Biden po ashtu i ka bërë thirrje ushtrisë së Birmanisë që të liroj të burgosurit e arrestuar gjatë grusht shtetit, shkruan CNBC.
“Do të identifikojmë rrethin e parë të caqeve këtë javë dhe po ashtu do të vëmë kontrolle të forta të eksportit”, bëri të ditur Biden derisa po tregonte për sanksionet.
Javën e kaluar, Bideni ka dënuar marrjen në dorë të qeverisë nga ana e ushtrisë së Birmanisë duke e quajtur këtë “sulm direkt në tranzicionin e shtetit drejt demokracisë dhe sundimit të ligjit”.
Laureatja e çmimit “Nobel”, Suu Kyi ka fituar zgjedhjet në Birmani në nëntorin e vitit të kaluar.
Mirëpo gjeneralët ushtarakë të cilët qëndrojnë prapa grusht shtetit kanë thënë se këto zgjedhje ishin mashtrim.
-
10 shkurt 2021 20:30
-
Shpërndaje në: