Botë

Ekspertët e OBSH-së pritet të shkojnë në Kinë të enjten për të hetuar origjinën e COVID-19

Foto: Reuters

Ekspertët nga Organizata Botërore e Shëndetësisë pritet të arrijnë në Kinë këtë javë për të hetuar origjinën e pandemisë me COVID-19, ka thënë qeveria kineze të hënën.

Ekspertët do të arrijnë të enjten dhe do të takohen me homologët kinezë, Komisionin Kombëtar të Shëndetësisë, thuhet në deklaratën e qeverisë.

Nuk është bërë e qartë nëse ekspertët do të udhëtojnë për në Ëuhan, ku virusi është identifikuar së pari.

Negociatat për këtë vizitë ka kohë që janë në zhvillim. Shefi i OBSH-së, Tedros Adhanom Ghebreyesus ka shprehur zhgënjim javën e kaluar për shtyrjen e hetimit.

Një hetim i Associated Press ka gjetur se qeveria e Kinës në mënyrë strikte ka kontrolluar të gjitha studimet për origjinën e virusit, ndërsa media shtetërore ka ngritur teori që sugjerojnë se COVID-19 mund të kenë origjinën diku tjetër.