Botë

Kina raporton për 22 raste të reja me COVID-19

Kina ka raportuar 22 raste të reja me COVID-19 të hënën, ndërkaq 33 raste një ditë më herët, kanë raportuar autoritetet të martën.

Komisioni Nacional i Shëndetësisë tha se një rast është shënuar në Shangai, kurse 21 raste të tjera janë importuar nga njerëz që janë kthyer nga zona tjera. Komisioni gjithashtu ka raportuar 25 raste asimptomatike, nga nëntë sa ishin një ditë më herët, shkruan Reuters, transmeton KOHA.

Një 50-vjeçar është rast i afërt i një rasti të së hënës i raportuar në Shangai.

Që nga nëntori, rastet e konfirmuara me COVID-19 në Kinë janë 86.267, ndërkaq janë raportuar 4.634 vdekje.