Presidenti rus, Vladimir Putin u shpreh i gatshëm të zhvillojë bashkëpunimin antiterrorist me Britaninë e Madhe pas atentatit vetëvrasës cinik dhe jonjerëzor në Mançester që bëri të paktën 22 të vdekur dhe rreth 60 të plagosur, njoftoi Kremlini.
Shefi rus i shtetit i shprehu ngushëllimet e tij të sinqerta kryeministres britanike, Theresa May dhe dënoi fuqishëm këtë krim cinik dhe jonjerëzor”, sipas një komunikate të Kremlinit, transmeton atsh raportimin e afp.
Putin theksoi se “është i gatshëm të zhvillojë bashkëpunimin antiterrorist me partnerët britanike në nivelin dypalësh gjithashtu edhe në kuadrin e përpjekjeve ndërkombëtare”.
Të paktën 22 persona, shumica të rinj dhe të reja humbën jetën dhe 59 të tjerë u plagosën pas një shpërthimi në Mançester Arena gjatë një koncerti të këngëtares Ariana Grande.
-
23 maj 2017 15:09
-
Shpërndaje në: