Botë

Ish-këshilltari Bolton e parashikoi “presionin” e Trumpit ndaj Ukrainës

Ish-këshilltari për Siguri Kombëtare, John Bolton, ishte i alarmuar në lidhje me përpjekjet e Shtëpisë së Bardhë për t’i bërë presion Ukrainës, raportojnë mediat amerikane.

Raportohet se Boltoni i kërkoi një ndihmësi të tij që të jap lajmin se avokati personal i presidentit Trump, Rudy Giuliani, ishte “granatë dore që do t’i hedhë në erë të gjithë”.

Aktualisht, demokratët në SHBA janë duke bërë përpjekje për të filluar zyrtarisht hetimet ndaj Trumpit.

Ata dëshirojnë të konstatojnë nëse Trumpi ka bërë presion ndaj Ukrainës për të hetuar Joe Bidenin, rivalin e tij politik.