Aktivistët myslimanë në Shtetet e Bashkuara ndërmorën një fushatë ndërgjegjësimi për grumbullim fondesh për riparimin e një varreze hebreje në Misuri.
Ideja ishte e Linda Sarsour dhe Tarek El-Messidi, të cilët iu drejtuan komunitetit mysliman në SHBA për grumbullimin e 20 mijë dollarëve, aq sa ishte kostoja e riparimit të varresave hebreje, të vandalizuara përgjatë fundjavës nga persona ende të panjohur, transmeton tch.
Thirrjes iu përgjigjën menjëherë dhjetra persona dhe objektivi prej 20 mijë dollarësh u dyfishua në vetëm 3 orë dhe pak më vonë ishin plot 50 mijë dollarë në llogarinë e hapur posaçërisht për këtë qëllim.
Dy ideatorët e nismës, Linda dhe Tarek falenderuan të gjithë personat që u bënë pjesë e fushatës dhe thanë se paratë do të përdoren së bashku me komunitetin hebre në Shtetet e Bashkuara për riparimin e varrezave hebraike të Misurit.
Këto varreza u shkatërruan në fundjavë nga persona ende të paidentifikuar, ndërkohë që në gjashtë qendra të tjera të tilla u dërguan kërcënime me bombë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo{gallery}