Një tragjedi e vërtetë është regjistruar në qytetin Nyrenberg të Gjermanisë ku si pasojë e një zjarri në një shtëpi, 5 persona kanë humbur jetën.
Zjarrfikësit gjermanë thonë se katër nga 5 viktimat janë fëmijë.
Shërbimi i zjarrfikësve ka thënë për agjencinë e lajmeve DPA se kanë marrë një telefonatë për zjarr në një shtëpi rreth orës 3 të mëngjesit të së shtunës por kur kanë arritur në vendngjarje, gjysma e katit të parë ishte përfshirë nga flakët tërësisht, transmeton Koha.net.
Katër të rritur raportohet të jenë larguar nga shtëpia para se flakët ta përfshinin atë dhe janë duke u hospitalizuar pa ndonjë lëndim që rrezikon shëndetin e tyre.
Zjarrfikësit thonë se në mesin e viktimave është një foshnje, tre fëmijë të moshave 4, 5 dhe 7 vjeç, dhe një grua 34 vjerçare që ishte në katin e sipërm.
Shkaktari i zjarrit po hetohet.
-
2 mars 2019 22:15
-
Shpërndaje në: