Godinat e larta në Tokio, Osaka dhe Yokohama dominojnë horizontin kudo përreth tyre. Rrokaqiejt krijojnë përshtypjen e të qenit struktura të palëvizshme dhe të ngujuara mirë për themeli, aq sa mund të jenë ndërtesat e rëndomta betonike të punuara nga dora e njeriut.

Këto struktura të larta janë pjesë e përditshmërisë së jetës urbane në Japoni, sikurse që janë edhe në çdo qytet tjetër të madh dhe në zhvillim nëpër botë, shkruan BBC, transmeton “Koha Ditore”. Teksa njerëzit dhe trafiku gërshetohen me plot kuptimin e fjalës me to, ato janë të fiksuara dhe të forta – e themelet që i mbajnë në këmbë janë të ballafaquara me goxha presion.

Krejt çka duhet është një tërmet i vogël për të treguar se kjo perspektivë mund të jetë iluzion. Por duke qenë se Japonia është një prej vendeve me dridhjet ndër më të shpeshtat të tokës në botë, aty rrokaqiejt patjetër duhet të jenë në gjendje të lëvizin.

(Artikullin e plotë mund ta lexoni sot në “E Diela me Koha Ditore”)