Auto

Kompania e shuar britanike rilind me modelin me 500 kuajfuqi

Kompania e rilindur britanike TVR ka dalë në sipërfaqe me veturën e re sportive të quajtur “Griffith”.

Këtë emër për herë të parë kompania e kishte përdorur në vitin 1991, por modeli i rilindur është krejt ndryshe nga ai klasik. Prodhimi i këtij modeli pritet të fillojë vitin e ardhshëm dhe do të kushtojë 100 mijë euro.

“The Griffith” cilësohet si “veturë me muskuj” dhe ofron nivel të paparë deri më tani të “sofistikimit, komfortit dhe praktikës”.

Modeli për kah dizajni është i ngjashëm me madhësi të Aston Martin V8 Vantage, por është më kompakt se Porsche 911 dhe Jaguar F-type.

Motori i kësaj veture është 5.0-litra Cosworth V8, i cili mund të zhvillojë deri në 500 kuajfuqi. Shpejtësia maksimale është 300 kmh dhe shpejtësinë nga 0 në 100 kmh e arrin për katër sekonda. Fuqia te rrotat dërgohet përmes gjashtë shpejtësive manuale.

{gallery}