Auto

Tesla ul çmimin e Model 3 për të dytën herë gjatë këtij viti

Tesla ka deklaruar se ka ulur çmimin e Model 3 sedan për 1,100 dollarë.

Kjo është ulja e dytë e çmimit gjatë këtij viti që prodhuesi i veturave elektrike ka bërë.

Tani Tesla Model 3 sedan kushton 37,659 euro (42,900$) thuhet në ueb faqen e kësaj kompanie, transmeton Koha.net.

Tesla, kompani e cila nuk përdor reklamimin tradicional, në vend të kësaj ka prezantuar një program referimi për konsumatorët në 2015-ën.

Ky program përfshin kode referimi të cilët i ofrojnë blerësve deri në gjashtë muaj mbushje të baterive falas e oferta për konsumatorët ekzistues si lansimi i fotografive personale në hapësirë apo pjesëmarrje në ngjarjet e Teslas.