EULEX-i do të gjykojë rastin Medicus, që është kthyer në rigjykim vitin e kaluar.
Misioni evropian për sundim të ligjit ka bërë kërkesë në Këshillin Gjyqësor të Kosovës që të kryesojë panelin, por edhe të jetë shumicë në trupin gjykues.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKërkesa i është aprovuar në mbledhjen e fundit të KGJK-së. Këtë për KTV-në e ka konfirmuar zëdhënësja e KGJK-së. Bazuar në nenin 3 të Ligjit që rregullon mandatin e EULEX-it pas 2014-ës, KGJK-ja duhet të vendosë kur gjykatësit e misionit evropian mund të jenë shumicë në raste që janë të reja.
Pos këtij rasti, EULEX-i ka kërkuar gjithashtu që të kryesojë trupin gjykues në gjykimin ndaj kryetarit të Prizrenit, Ramadan Muja. Por, kjo kërkesë është hedhur poshtë nga KGJK-ja. Kërkesa që EULEX-i kishte bërë për përbërjen e trupit gjykues ka qenë pikërisht arsyeja pse Gjykata e Apelit kishte anuluar nisjen e këtij gjykimi.
Megjithatë, në këtë Gjykatë i kanë thënë KTV-së se pavarësisht vendimit të KGJK-së tani, ende nuk është caktuar seanca.