Arbëri

Haradinaj premton se do të luftojë për të drejtën e gruas

Kryeministri i Republikës së Kosovës, Ramush Haradinaj, mori pjesë në konferencën "Java e gruas 2018", organizuar nga Instituti Kombëtar Demokratik (NDI), me mbështetjen e USAID-it.

Ai me këtë rast tha se Kosova në aspektin e barazisë gjinore, marrëdhënieve në qeverisjen politike ngec dhe nuk është në pozitë të lavdërimit me përfaqësimin e gruas, njofton kumtesa qeveritare, transmeton Koha.net.

“Për fat të keq, ende s’jemi ku duhet. Kosovën e pret shumë punë dhe është një vetëdije më e ngritur, por ngecim në zbatim”, tha Haradinaj duke shtuar se të paktë janë ata që sot nuk e kuptojnë rolin e gruas në shoqëri dhe në jetën qeverisëse.

Shefi i Ekzekutivit pranoi se edhe qeveria që ai e udhëheq ngec në këtë aspekt, në përfaqësimin e gruas në planin e nivelit të parë, të ministrave.

Sa i përket Parlamentit dhe mënyrës së qeverisjes, të transparencës dhe llogaridhënies, kryeministri u shpreh se ka ligje të avancuara, edhe Kushtetua po ashtu, por se zbatimi i tyre është në proces.

“Qeveria e vendit mund të bëjë shumë më shumë për pozitën e gruas në Kosovë. Jemi dëshmitarë që në familjet tona, sidomos në vendet rurale dhe ato tradicionale, nuk e përfshijnë vajzën në pasurinë e tyre dhe kjo duhet të ndryshojë në Kosovë, dhe jo vetëm me ligj, por edhe në kulturën tonë dhe dinamikat tona", tha Haradinaj.

“Do të jem luftëtar i të drejtës së gruas, në shoqërinë tonë”, tha kryeministri Haradinaj ne këtë bashkëbisedim me dhjetëra përfaqësues të partive politike, përfaqësues nga shoqëria civile dhe institucione të ndryshme, në diskutimin "Qeverisja në partneritet me qytetarët dhe Kuvendin e Kosovës