Pas kalimit të demarkacionit, institucionet e drejtësisë janë mbledhur në një takim për të koordinuar punët që Kosova të arrijë edhe plotësimin e kushtit të fundit për liberalizimin e vizave, luftimin e korrupsionit.
Këshilli Gjyqësor i Kosovës ka mbledhur gjithë përfaqësuesit e Prokurorive e Gjykatave të Kosovës për të koordinuar veprimet për zgjidhjen e 39 rasteve të shenjestruara për procesin e liberalizimit të vizave. Takimi ishte i mbyllur për media, por që i hapur për Ministrin e Drejtësisë, Abelard Tahirin, transmeton KTV.
Pavarësisht kësaj, Tahir është zotuar se politika do të mbaj duart larg nga këto procese në të cilat të akuzuar janë njerëz të politikës, deputet e udhëheqë institucionesh.
Kryeprokurori i Shteti, Aleksandër Lumezi tha se nuk kanë diskutuar me emra të përveç por vetëm për databazën dhe numrin e rasteve te shënjestruar, andaj edhe prania e ministrit sipas tij nuk është ndërhyrje.
Si ndërhyrje këtë fakt nuk e ka parë as nikoqiri i takimit, Nehat Idrizi i cili ka theksuar se kanë nxjerr 6 rekomandime për të intensifikuar punët rreth plotësimit të këtij kriteri.
Rekomandimet:
- Çdo muaj të mbahet takimi i institucioneve të drejtësi, në të njëjtën përbërje.
- Te ketë raporte dhe koordinime mes prokurorive dhe gjykatave.
- Seancat gjyqësore të mos shtyhen me shume se 10 ditë.
- Te forcohet Gjykata Themelore në Prishtinë me gjyqtarë dhe një Task Forc ngase numri me i madhe i lëndëve është në këtë gjykatë.
- Kufizim i gjyqtarëve në pjesëmarrje e tyre nëpër trajnime
- Ngritja e Transparencës, komunikimi më i shpeshtë me mediat dhe shoqërinë civile
-
22 mars 2018 14:21
-
Shpërndaje në: