Arbëri

Pas rastit në Podgoricë, blindohet ambasada e SHBA-së në Tiranë

Sulmi ndaj Ambasadës Amerikane në Mal të Zi, ka vënë në gatishmëri edhe forcat e policisë shqiptare, të cilat kanë rritur sigurinë përreth selisë diplomatike që ndodhet ne rrugën e Elbasanit ne Tiranë.

Këtë të enjte pranë Ambasadës patrullonin më shumë efektiv të Policisë së Shtetit, bën të ditur Vizion+.

Burimet zyrtare në Drejtorinë e Përgjithshme të Policisë konfirmojnë se uniformat blu do të vijojnë të qëndrojnë ne gatishmëri.

Për të përforcuar sigurinë, janë aktivizuar edhe agjentet e strukturës kundër terrorizmit.

Ata po monitorojnë nga afër jo vetëm Ambasadën Amerikane, por edhe selite e tjera diplomatike të rëndësishme që ndodhen ne kryeqytet.