“Te Rrethi” vendoset një flamur i vogël shtetëror

“Te Rrethi” vendoset një flamur i vogël shtetëror

13 shkurt 2018 19:35

22:00 - Pasi është vjedhur flamuri shtetëror me përmasat e duhura, i paraparë për t’u ngritur sot në shtizën ku qëndronte flamuri kombëtar “Te Rrethi”, sapo është vendosur një flamur shtetëror me përmasa më të vogla, raporton Koha Ditore.

Policia e Kosovës ka rrethuar shtizën ku është vendosur flamuri shtetëror dhe disa qytetarë vazhdojnë të qëndrojnë në afërsi.

Bashkë me policinë janë edhe inspektorët nga Komuna e Prishtinës.


Po kërkohet flamuri shtetëror me përmasa përkatëse për “Te Rrethi”

21:55 - Ende nuk është vendosur shtetëror “Te Rrethi”. Arsyeja për këtë, siç merr vesh Koha Ditore, është mungesa e flamurit me përmasa përkatëse për t’u vendosur në shtizën e gjatë “Te Rrethi”.

Në ndërkohë po vazhdojnë përpjekjet për të gjetur një flamur të përshtatshëm shtetëror, pasi një i tillë është vjedhur pak minuta më herët.

“Te Rrethi” ende ka disa qytetarë të pakënaqur me uljen e flamurit kombëtar dhe ata kohë pas kohe po brohorasin “Turp, turp”.


Vidhet flamuri shtetëror “Te Rrethi”

21:01 - Derisa zjarrfikësit po bëheshin gati ta nxirrnin flamurin shtetëror nga një veturë në të cilën po mbahej, ai është vjedhur, raporton Koha.net.

Në ndërkohë është shtuar numri i qytetarëve dhe është shtuar edhe qarkullimi i veturave “Te Rrethi”.


Hiqet flamuri kombëtar “Te Rrethi”, pritet ngritja e atij shtetëror

20:54 - Pas gati dy orë përpjekjesh zjarrfikësit kanë hequr flamurin kombëtar “Te Rrethi” dhe pritet të vendoset flamuri shtetëror.

Te shtiza ka disa qytetarë që po kundërshtojnë heqjen e flamurit kuqezi. Policia është në vendin e ngjarjes.


Zjarrfikësit arrijnë “Te Rrethi” për vendosjen e flamurit shtetëror 

20:39 - “Te Rrethi”, për ndihmë për vendosjen e flamurit shtetëror tashmë ka arritur edhe brigada e zjarrfikësve.

Ata pritet që me shkallë ta ulin flamurin kombëtar dhe ta ngrehin lartë flamurin shtetëror.

 


Defekti në shtizë shtyn vendosjen e flamurit shtetëror “Te Rrethi”

19:35 - Në këto momente zyrtarë të MAPL-së janë duke tentuar të vendosin flamurin shtetëror “Te Rrethi”.

Gjatë përpjekjes për vendosjen e flamurit të Kosovës, punëtorët bashkë me zyrtarët hasën në pengesa për shkak të defekteve në shtizën e flamurit. Këto defekte ata po përpiqen t’i evitojnë, raporton Koha Ditore.

“Te Rrethi” i flamurit kanë arritur edhe inspektorët e komunës të cilët kërkuar sqarime se përse po tentohet vendosja e flamurit të Kosovës. Zyrtarët kanë thënë se është vendim i qeverisë që krahas atij kombëtar, të vendoset edhe ai shtetëror.

Derisa punëtorët po përpiqen të evitojnë defektin në shtizë, inspektorët komunalë të Prishtinës po qëndrojnë larg tyre.

Vendosja e flamurit po monitorohet nga Policia e Kosovës.

Image
Image
Image
Image

© KOHA. Të gjitha të drejtat janë të rezervuara.

Komentet

Shto koment

Të ngjashme