Fundi i dhjetorit i vitit të shkuar ishte përcaktuar nga presidenca e Kosovës si periudha për finalizimin e draftit për reformën zgjedhore.
Tre muaj më vonë, presidenti nuk ka lëvizur asnjë hap para.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoZyra e tij ka konfirmuar se drafti ende është në tavolinën e presidentit dhe nuk është proceduar në Kuvend.
Kryetarja e Komisionit për Legjislacion, Albulena Haxhiu, thotë se Hashim Thaçi, përmes këtyre ndryshimeve, po mundohet ta rehatojë veten.
Ajo thotë se legjislatura e kaluar pat punuar tre vjet për reformën, por ishte penguar nga vetë partitë në pushtet.
Albert Krasniqi nga Instituti Demokratik i Kosovës thotë se grupet punuese ishin nën presionin e kohës që të përfundonte puna më shpejt, por tash neglizhenca është te presidenti.
Ai thotë se është shumë vonë për reformë. Partitë opozitare asnjëherë nuk i janë përgjigjur ftesës së presidentit për reformë. Kanë thënë se e vetmja mundësi për t’u ulur në një tryezë te Hashim Thaçi është kur ai të vendosë të shpallë datën e zgjedhjeve.