Arbëri

Tërheqja e Veselit hesht PDK-në

Deklarimi i kryetarit të Kuvendit, Kadri Veseli, për Gjykatën Speciale ka heshtur partiakët e tij, të cilët insistonin se do t’i shkojnë deri në fund nismës për shfuqizimin e saj.

Në PDK zyrtarisht nuk kanë treguar nëse do të ketë iniciativë tjetër për ta zhbërë Specialen. Iniciues i peticionit në natën e 22 dhjetorit të vitit të kaluar ka qenë deputeti Nait Hasani, shkruan sot “Koha Ditore”.

I pyetur nëse kanë hequr dorë përfundimisht nga iniciativa, ai ka thënë se gjendet në Shqipëri dhe se për këtë çështje mund të flasë tek pasi të kthehet. Ndërkaq shefi i deputetëve të PDK-së, Memli Krasniqi, nuk është përgjigjur.

Pas iniciativës së bashkëpartiakëve për të shfuqizuar Ligjin për Specialen, kryetari i Kuvendit, Kadri Veseli, ka ndryshuar qëndrimin. Në një shkrim autorial, të cilin Veseli tha ta ketë përgatitur më herët, por që nuk e ka botuar për shkak të festave, ka theksuar se Gjykata Speciale do të ndodhë dhe se ky është veprim i pashmangshëm... (më gjerësisht lexoni sot në “Koha Ditore”)