Arbëri

Komisioni për Punë të Jashtme cakton datën për demarkacionin në Kuvend

Komisioni për Punë të Jashtme, Diasporë dhe Investime Strategjike, nesër nga ora 14:00 do të mbajë mbledhjen e radhës ku do të jenë gjithsejtë gjashtë pika për diskutim në rend dite.

Përmes një njoftimi dërguar mediave, ky Komision ka bërë me dije se pjesë e rendit të ditës do të jetë edhe përcaktimi i datës së seancës për demarkacionin.

“Përcaktimi i datës për shqyrtimin e Projektligjit për Ratifikimin e Marrëveshjes për kufirin Shtetëror në mes të Republikës së Kosovës dhe Malit të Zi”, thuhet në pikën 3 të rendit të ditës.

Veç saj, si pika tjera do të jenë edhe “Prezantimi i hulumtimit parlamentar mbi analizën buxhetore të MPJ-së dhe MDIS”.

E po ashtu do të jetë edhe “Përcaktimi i delegacionit të Komisionit për pjesëmarrje në programin trajnues në selinë qendrore të NATO-s në Bruksel”.