Qytetarët e Pavarur që po e organizojnë protestën kundër rritjes së çmimit për energjinë elektrike nesër do të organizojnë një aksion simbolik para zyrave të ZRRE-së.

Kështu bëhet me dije në një njoftim për media.

Sipas njoftimit aksioni do të ndodhë në orën 12:00 (e martë, 19 dhjetor 2017), para zyrave të ZRRE-së. Nga aty do të ketë edhe një adresim për medie nga organizatorët. 

Ndërsa protesta do të mbahet një ditë më vonë, pra të mërkurën. 

Gjatë ditës, nëpër rrjetet sociale ka qarkulluar edhe një video me pjesën “La Fortuna” e titruar si thirrje për protestë, në bazë të ngjashmërisë me shprehjet në këtë këngë.