Programi i përbashkët Francë-Kosovë për pavarësinë e vendit tonë

Programi i përbashkët Francë-Kosovë për pavarësinë e vendit tonë

07 dhjetor 2017 16:15

Në kuadër të 10 vjetorit të shpalljes së pavarësisë së Kosovës, Ambasada e Francës në Kosovë dhe Ambasada e Kosovës në Francë po bashkëpunojnë për të promovuar një program të përbashkët të ngjarjeve kulturore që tregojnë lidhjen dhe miqësinë mes dy vende.

Nëpërmjet një përzgjedhje të ngjarjeve të rëndësishme gjatë vitit 2018, të dy ambasadat ftojnë publikun të marrin pjesë në këto ngjarje dhe të zbulojnë forma të ndryshme të shprehjes artistike, si kinemaja, dizajni grafik, teatri, artet vizuale dhe gastronomia.

Ky fokus kulturor nxjerr në pah një përzgjedhje të ngjarjeve në të cilat artistët nga të dy vendet janë ftuar të marrin pjesë, për të paraqitur punën e tyre. Është gjithashtu një mundësi për të dy ambasadat të thellojnë bashkëpunimin e tyre, të pasur dhe të frytshëm në fushën e artit dhe kulturës.

Programi i përbashkët vjetor i Ambasadave është gjithashtu një mundësi për të promovuar, për publikun e të dy vendeve, aktivitete të cilësisë të lartë, të hapura për të gjithë dhe të theksohen pikat e kontaktit mes qarqeve kulturore dhe qytetarëve të dy vendeve.

Komunikata është nënshkruar nga ambasadorët përkatës - Didier Chabert, ambasador i Francës në Kosovë, dhe Qëndrim Gashi, ambasador i Kosovës në Francë.

Bashkangjitur programi:

Image

© KOHA. Të gjitha të drejtat janë të rezervuara.

Komentet

Shto koment

Të ngjashme