Thaçi kërkon që vendet e Ballkanit Perëndimor të hyjnë bllok në BE

Thaçi kërkon që vendet e Ballkanit Perëndimor të hyjnë bllok në BE

07 dhjetor 2017 12:37

Sofje, 7 dhjetor - Presidenti i Kosovës, Hashim Thaçi, po merr pjesë në Konferencën rajonale të organizuar nga Qeveria e Bullgarisë dhe Banka Botërore.

Liderët e Ballkanit Perëndimor kanë diskutuar për bashkëpunimin rajonal dhe për dinamizmin e procesit të integrimit të shteteve të Ballkanit Perëndimor në Bashkimin Evropian.

Pjesë e diskutimeve të liderëve të rajonit me përfaqësuesit e lartë të Bashkimit Evropian ishte edhe kompletimi i rrjetit të rrugëve dhe përmirësimi i infrastrukturës së kalimeve kufitare.

Presidenti Thaçi ka thënë se të gjitha vendeve të Ballkanit Perëndimor duhet t’u jepet perspektivë e qartë evropiane dhe BE-ja të ketë qasje gjeostrategjike për rajonin.

“Vendet e Ballkanit Perëndimor duhet të hyjnë në BE në bllok, që të sigurohet paqja dhe bashkëpunimi afatgjatë në rajon”, u shpreh Presidenti Thaçi.

Presidenti Thaçi sot do të zhvillojë një takim bilateral edhe me presidentin e Bullgarisë, Rumen Radev, me të cilin do të bisedojë për mundësinë e thellimit të bashkëpunimit ndërmjet dy shteteve.

© KOHA. Të gjitha të drejtat janë të rezervuara.

Komentet

Shto koment

Të ngjashme