Arbëri

Rama në Poloni, Varshava mbështet integrimin në BE

Kryeministri Edi Rama ndodhet për një vizitë zyrtare në Varshavë të Polonisë, ku është takuar me homologen e tij polake, Beata Szydlo. Rama i ka kërkuar asaj një kompani fluturimi polak për të vendosur linjë direkt me Tiranën, transmeton tch.

“Shqipërinë e kanë vizituar 74% më shumë polakë se vitin e shkuar dhe në këtë kontekst i kam kërkuar kryeministres që të inkurajojë kompaninë e fluturimeve polake për të konsideruar mundësinë e vendosjes së një linje direkte që do të sillte përfitueshmëri të lartë dhe reciproke në këtë drejtim”, tha Rama gjatë konferencës për shtyp.

Polonia shprehu mbështetjen e saj për çeljen e negociatave në 6 mujorin e parë të vitit të ardhshëm.