Lëvizja Vetëvendosje do të votojë kundër Projektligjit për Buxhetin për vitin 2018, për shkak se sipas tyre, draft-buxheti për buxhetin e këtij viti, nuk ka asnjë ndryshim ndaj atij paraprak.
“Lëvizja Vetëvendosje është kundër këtij lloj buxhetimi, është kundër këtij projeksioneve mashtruese sa i përket zhvillimeve ekonomike në vend dhe mendojmë se përfundimisht duhet të ndalet kjo logjikë qeverisëse që po e dëmton rëndë potencialin ekomomik”, tha deputeti i VV-së, Visar Ymeri, raporton KP.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Edhe në vitin e kaluar në prezantimin e draft-buxhetit flitej me optimizëm për rritje ekonomike dhe promovohej me të madhe buxheti 2 miliardësh. E më vonë është korrigjuar deri diku kjo papërgjegjshmëri e qeverisjes së kaluar”, shtoi Ymeri.
Sipas Ymerit, të hyrat e parashikuara janë të fryra dhe joreale, kurse shpenzimet pritet të mbulohen nga borxhet.
“Deficiti buxhetor në vitin e kaluar ishte 300 milionë euro, ndërkohë që në këtë buxhet është 277 milionë euro”, tha Ymeri.
E gjithë rritja e projektuar, sipas Ymerit, është në tatimin në vlerë të shtuar të grumbulluar nga Dogana dhe detyrimet doganore me çka edhe më tej rritet varësia buxhetore nga importi i mallrave.