Arbëri

Thaçi kërkon llogari nga Haradinaj për demarkacionin

Presidenti Hashim Thaçi do të kërkojë llogari nga kryeministri Ramush Haradinaj, pasi ky i fundit ua ka imponuar shefave të misioneve diplomatike të Kosovës që qëndrimin e tij për demarkacionin ta prezantojnë si qëndrim zyrtar.

Kjo, pavarësisht faktit se të kundërtën e Haradinajt për demarkacionin e mendon kreu i shtetit, por edhe kryeparlamentari Kadri Veseli, shkruan sot “Koha Ditore”.

Bekim Çollaku, shef i stafit të presidentit, i ka thënë “Kohës Ditore” të premten se do të kërkohen sqarime nga kryeministri.

Ai ka theksuar të jetë normale që Qeveria e edhe kryeministri të japin udhëzime apo rekomandime për ambasadorët, në lidhje me ndonjë çështje të caktuar, por ka thënë se çdo qëndrim apo rekomandim i tillë që ndërlidhet me politikën e jashtme të Republikës së Kosovës, duhet patjetër të bëhet në konsultim dhe koordinim me presidentin.

Kjo, pasi ka thënë se kështu e përcakton Kushtetuta e Kosovës. (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.