Arbëri

Thaçi: Paqja dhe dialogu janë vlera që i bëjnë bashkë Kanadanë dhe Kosovën

Presidenti i Republikës së Kosovës, Hashim Thaçi, në fillim të vizitës së tij në Kanada, ka vënë sot kurorë lulesh në Monumentin e Pajtimit dhe të Paqes në Otavë.

Kanadaja është ndër shtetet kryesore në botë në kontributin në misionet paqeruajtëse në botë. Memoriali është ngritur në nderim të këtij synimi të Kanadasë dhe në kujtim të ushtarëve dhe ushtareve kanadeze që kanë shërbyer apo kanë dhënë jetën duke shërbyer në misionet paqeruajtëse në botë.

Presidenti Thaçi u shpreh se paqja, dialogu, bashkëpunimi janë vlera e parime që i bëjnë bashkë Kanadanë dhe Kosovën.