Arbëri

Thaçi: FSK-ja është forcë profesionale falë KFOR-it

Presidenti i Kosovës, Hashim Thaçi tha sot se komandanti në largim i KFOR-it, Giovani Fungo është mik i dëshmuar i Kosovës dhe rajonit.

“Sot me ndjenjë të mirënjohjes i them faleminderit dhe mirupafshim. Koha kur ka shërbyer Fungo ka qenë kohë e rëndësishme në vend. I jemi mirënjohës të gjithë ushtarëve që shërbejnë në KFOR. KFOR-i ruan dhe ndërton paqen”, tha Thaçi në ceremoninë e ndërrimit të komandave në forcën paqeruajtëse në Kosovë, raporton kp.

Kosova sipas tij mbetet e përkushtuar për fqinjësi të mirë dhe dialogun me Serbinë, ndërsa ka thënë se duke iu falënderuar KFOR-it dhe NATO-s Forca e Sigurisë së Kosovës është forcë multientike dhe profesionale.

“FSK tani është e gatshme për kompetenca të reja dhe mision të ri”, ka thënë Thaçi.

Në selinë e KFOR-it po bëhet ndërrimi i komandës ku italiani Giovani Fungo lë detyrën pasardhësit të tij Gjeneral Major, Salvatore Cuoci.