Arbëri

Mustafa: Qeveria e përkushtuar avancimin e mirëqenies së fëmijëve

Kryeministri i Republikës së Kosovës, Isa Mustafa, priti në takim shefin e Zyrës së UNICEF-it në Kosovë, Brandao Co.

Gjatë takimit u bisedua për angazhimet e përbashkëta për fëmijët në Kosovë.

Duke vlerësuar rolin e deritashëm të UNICEF-it, Mustafa theksoi përkushtimin e Qeverisë për avancimin e gjithanshëm të mirëqenies së fëmijëve dhe të gjithë qytetarëve të Kosovës.

Shefi i Zyrës së UNICEF-it në Kosovë, Brandao Co, foli për punën dhe projektet aktuale të UNICEF-it në Kosovë, duke falënderuar kryeministrin Mustafa për përkrahjen.