Ministri Bytyqi kërkon ndihmën kroate për realizimin e mësimit tërëditor në Kosovë

Ministri Bytyqi kërkon ndihmën kroate për realizimin e mësimit tërëditor në Kosovë

10 nëntor 2017 15:17

Ministri i Arsimit, Shkencës dhe Teknologjisë, Shyqiri Bytyqi, ka pritur sot ambasadoren e Kroacisë në Kosovë, Marija Kapitanovic, me të cilën ka biseduar për gjendjen në arsim, planet për të ardhmen, si dhe për bashkëpunimin mes dy vendeve në fushën e arsimit.

Ministri Bytyqi, pasi falënderoi shtetin kroat për mbështetjen që i ka dhënë Kosovës në të gjitha proceset e rëndësishme, shprehu gatishmërinë për të thelluar bashkëpunimin me Kroacinë në fushën e arsimit.

Duke folur për planet, të cilave iu është dhënë prioritet në programin qeverisës, ministri Bytyqi, ndër të tjera, përmendi edhe mungesën e madhe të hapësirës shkollore për të realizuar mësimin tërëditor, për çka edhe kërkoi ndihmën e të gjithë partnerëve dhe shteteve mike.

Në anën tjetër, ambasadorja Marija Kapitanovic, theksoi se Kosova dhe Kroacia kanë bashkëpunim të qëndrueshëm në fusha të ndryshme, ndërsa sa i përket arsimit ajo shprehu gatishmërinë për të bashkëpunuar si në arsimin parauniversitar, edhe në atë universitar.

Komentet

Shto koment

Të ngjashme