Dy mijë veta kërkojnë punë në 5 komuna

Dy mijë veta kërkojnë punë në 5 komuna

09 nëntor 2017 09:20

Kanë kërkuar punë rreth 2 mijë veta për nëntë muaj të këtij viti në rajonin e Prishtinës.

Zyrtarët e Agjencisë së Punësimit thonë se për këtë periudhë kohore (janar-shtator) janë punësuar pak më shumë se 500 punëkërkues në komunat: Prishtinë, Podujevë, Fushë-Kosovë, Obiliq e Graçanicë. Drejtori i Agjencisë së Punësimit, Drin Haraçia, ka thënë se kontratat janë të ndryshme për sa i përket kohëzgjatjes së tyre dhe se kjo bëhet në bashkëpunim me bizneset e këtyre komunave, shkruan sot Koha Ditore.

Në raportin e kësaj agjencie shihet se për periudhën 1 janar-20 shtator të këtij viti më së shumti punëkërkues janë regjistruar në kryeqytet 890 persona (505 femra-385 meshkuj), pastaj në Graçanicë 325 (125 femra-200 meshkuj), e pasuar nga Podujeva 314 (128 femra-186 meshkuj), Fushë-Kosovë 229 veta (114 femra-115 meshkuj) dhe në fund Obiliq 181 persona (83 femra dhe 98 meshkuj). Totali 1939 punëkërkues, prej tyre 955 femra dhe 984 meshkuj.

(Më gjerësisht lexoni sot në Koha Ditore)

Tash gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni. 

© KOHA. Të gjitha të drejtat janë të rezervuara.

Komentet

Shto koment

Të ngjashme