Gjermania, e përkushtuar ta ndihmojë Kosovën drejt integrimeve

Gjermania, e përkushtuar ta ndihmojë Kosovën drejt integrimeve

08 nëntor 2017 16:23

Kryetari i LDK-së, Isa Mustafa, priti në takim Ambasadorin e ri gjerman, Christian Heldt, të cilin e falënderoi për kontributin e pazëvendësueshëm të Gjermanisë për shtetin e Kosovës.

Gjatë takimit u bisedua për zhvillimet aktuale në Kosovë dhe proceset tjera të rëndësishme.

Kryetari Mustafa e njoftoi ambasadorin Heldt për rolin e LDK-së në proceset shtetformuese dhe zhvillimore për vendin dhe shprehu përkushtimin e LDK-së për avancimin e proceseve integruese evropiane, në bashkëpunim të plotë me autoritetet gjermane.

Ndërkaq, ambasadori Christian Heldt e falënderoi kryetarin Mustafa për pritjen, “duke vlerësuar rolin e LDK-së në proceset zhvillimore në Kosovë”.

Ambasadori Heldt, po ashtu, shprehu vullnetin e tij për avancimin e raporteve ndërmjet dy vendeve, duke theksuar përkrahjen e mëtejshme të Gjermanisë për Kosovën.

© KOHA. Të gjitha të drejtat janë të rezervuara.

Komentet

Shto koment

Të ngjashme