Sipas Veselit, Kuvendi i Kosovës ka rritur punën dhe transparencën

Sipas Veselit, Kuvendi i Kosovës ka rritur punën dhe transparencën

26 tetor 2017 13:52

Kryetari i Kuvendit të Kosovës, Kadri Veseli, ka pritur sot sekretaren e përgjithshme të Shërbimit Evropian, Helga Schmid.

Në këtë takim është biseduar për reformat e shumta që po bëhen në vend në shumë sektorë, e të cilat përshpejtojnë rrugën e Kosovës në integrimin evropian.

Kryetari Veseli vlerësoi mbështetjen që Bashkimi Evropian ka dhënë dhe po jep për Kosovën në shumë fusha, në veçanti për një funksionim me efikas të Kuvendit.

Ai theksoi se dinamika e punës dhe transparenca e Kuvendit të Kosovës do të rriten në vazhdimësi, si dhe shtoi se ka një përkushtim të theksuar për të ndërtuar një konsensus të plotë për shumë çështje të rëndësisë së veçantë për vendin.

Kryeparlamentari theksoi se qytetarët e Kosovës e meritojnë liberalizimin e vizave, duke shtuar se për këtë do të ketë angazhim maksimal dhe koordinim të plotë me Bashkimin Evropian.

Nga ana e saj, sekretarja Helga Schmid vlerësoi punën e Kuvendit në miratimin e shumë reformave legjislative. Ajo theksoi se BE-ja do të mbështesë Kosovën në rrugën e saj të integrimit.

Komentet

Nik Zeka27/10/2017 10:00

Për Kadri Veselin e disa komandanta t’çajtoreve prej kohës kur tabaku i çajave ju është larguar prej dore transparenca në punë është zhdukur.

Shto koment

Të ngjashme