Haradinaj thotë se Qeveria do të angazhohet në furnizimin e përhershëm me ujë

Haradinaj thotë se Qeveria do të angazhohet në furnizimin e përhershëm me ujë

21 tetor 2017 15:32

Kryeministri i Republikës së Kosovës, Ramush Haradinaj, priti sot në takim përfaqësuesit e Shoqatës së Ujësjellësve të Kosovës, të udhëhequr nga Ilir Abdullahu, kryetari i Bordit të Shoqatës dhe Abdullah Dërguti, drejtor menaxhues.

Gjatë takimit është biseduar për funksionimin sa më të mirë të këtij sektori, për shkak të rëndësisë të madhe që ka në ofrimin e shërbimeve të furnizimit të qytetarëve me sasi dhe cilësi të ujit.

Haradinaj konstatoi se niveli i furnizimit me ujë është i kënaqshëm, por që menjëherë Qeveria do të angazhohet në marrjen e vendimeve strategjike për sigurimin e furnizimit afatgjatë dhe të përhershëm me ujë.

Haradinaj i ka dhënë mbështetje kërkesës për të organizuar Konferencën Ballkanike të Ujërave, që do të mbahet në Prishtinë nga 1 deri më 3 nëntor të këtij viti, me titullin “Sfidat e ujit të ndotur”.

© KOHA. Të gjitha të drejtat janë të rezervuara.

Komentet

Shto koment

Të ngjashme