Një çift ka tentuar që të adoptojë një fëmijë në mënyrë joligjore nga një nënë e re në Klinikën e Gjinekologjisë në Prishtinë, raporton KTV.
Më pas, nëna biologjike, identiteti i së cilës nuk bëhet i ditur, kishte braktisur fëmijën.
Për këtë, Policia e Kosovës ka arrestuar çiftin, por i ka liruar pas intervistimit.
Fëmija i braktisur tashmë është nën kujdesin e punëtorëve të Qendrës për Punë Sociale. Ky është rasti i parë i tillë që Policia ka arritur ta ndalë.
Në Kosovë deri në këtë periudhë të vitit janë braktisur 30 fëmijë.
Për adoptimin e një fëmije të braktisur nga prindërit biologjikë janë disa procedurat që zgjasin afërsisht 1 vit.
-
18 tetor 2017 21:21
-
Shpërndaje në: