Thaçi i bashkohet “Paradës së Krenarisë”

Thaçi i bashkohet “Paradës së Krenarisë”

10 tetor 2017 11:58

Presidenti i vendit, Hashim Thaçi, i është bashkuar “Paradës së Krenarisë” që ka nisur pak më herët në kryeqytet.

Në një deklaratë për media nga sheshi “Skëndërbeu”, Thaçi ka shprehur përkrahjen institucionale për komunitetin LGBTI.

“Jam këtu për të shprehur përkrahje për komunitetin LGBTI dhe për të konfirmuar që të gjitha komunitetet në Kosovë janë të barabarta. Se shteti dhe shoqëria janë ndërtuar në principet për liri dhe të drejta të barabarta për të gjithë”, ka thënë Thaçi duke shtuar se nuk do të lejohet dhuna apo kërcënimi i këtij komuniteti.

Thaçi ka qëndruar pak minuta në sheshin “Skëndërbeu”, deri në momentin kur ka nisur ecja në drejtim të sheshit “Zahir Pajaziti”.

Pjesëmarrëse në “Paradën e Krenarisë” ishte edhe ministrja e Integrimeve, Dhurata Hoxha.

Ajo tha se e drejta e komunitetit LGBTI është e garantuar edhe me ligj dhe se ky komunitet do të ketë gjithmonë përkrahjen e institucioneve vendore.

© KOHA. Të gjitha të drejtat janë të rezervuara.

Komentet

Agim Krasiqi10/10/2017 16:22

Kush e autorizoj H.Thaqin qe te merr inisiativen per te udhehequr dialogun e ashtuquajtur me Serbine. Duhet ta din Hashim Thaqi se as pjesmarrha ne paradat e ketyre te smureve e as faljave te gjitha resurseve Kosovare serbeve dhe nderkombetarve nuk e shptojne dot nga pergjegjesija para Kombit shqiptar.

ali pashe tepelena10/10/2017 16:23

tash edhe nje yll duhet me shtu ne "flamurin" e kosoves

Shto koment

Të ngjashme