Frashër Krasniqi lirohet nga paraburgimi - urdhërohet të mos i afrohet Milaim Zekës

Frashër Krasniqi lirohet nga paraburgimi - urdhërohet të mos i afrohet Milaim Zekës

01 tetor 2017 15:24

Gjykata Themelore në Prishtinë ka refuzuar kërkesën e prokurorit për caktimin e masës së paraburgimit për deputetin e Lëvizjes Vetëvendosje, Frashër Krasniqi, për sulmin fizik ndaj deputetit tjetër Milaim Zeka, raporton KTV.

Lajmin e ka bërë të ditur, Tomë Gashi, avokat mbrojtës i Frashër Krasniqit. Deputeti Krasniqi i është caktuar masa e ndalimit te ofrimit fizik të Zekës në Kuvend në distancë prej 5 metrash dhe jashtë Kuvendit në distancë prej 100 metrash.

Prokurori i çështjes ka marrë vendim për zhvillimin e hetimeve për Frasher Krasniqi për lëndim te lehte trupor shkaktuar në një debat televiziv ndaj Milaim Zekës.

Sipas avokatit Gashi, prokurori i shtetit po ashtu ka marrë vendim për zhvillim të hetimeve kundër Milaim Zekës. Për veprën penale, Kanosjes ndaj Frashër Krasniqit në po të njëjtin emision.

Komentet

Shto koment

Të ngjashme